On Zientzia

On Zientzia ikus-entzunezko dokumental motako edukiak sortzeko proiektu bat da, eta herritarren partaidetza funtsezkoa da. Elhuyar eta DIPC erakundeek antolatzen dute ekimena, eta XIII. edizioa izango da aurtengoa; era berean, Elhuyar erakundeak euskal telebista publikorako ekoitzitako Teknopolis saioa ere bada kolaboratzaile.

Lehiaketaren helburua da zientziari eta teknologiari buruzko bideo labur eta originalak ekoiztea eta ezagutaraztea, euskarazko dibulgazioa eta kultura zientifikoa gazteen artean eta hezkuntzasisteman sustatuz. Lehiaketak hamabi urteko bidea egina du, eta denbora horretan dibulgazio zientifikoko 850 ikus-entzunezko lan baino gehiago dituen kontsulta-base bat sortu da.

2023ko Passion for Knowledge jaialdian bideo onenak kultur eta aisialdi zentroetan emango direla aurreikusi da. Horren xedea da zientzia herritarrengana hurbiltzea ohikoak ez diren euskarri eta lekuetan, hala nola hiriko pantailetan eta kultur aretoetan.