Albisteak | Passion for Knowledge

Passion for Knowledge 2016ren aurkezpena

Donostia International Physics Centerrek (DIPC) Passion for Knowledge 2016 jaialdia antolatu du. Zientzia funtsezko kultur-ekintza gisa sustatzea du helburu jaialdiak, gizartearen eta ekonomiaren aurrerapenari laguntzen dion jarduera gisa. Zenbait Nobel saridunen eta mundu mailako adituen eskutik, nazioarteko jaialdia zientziaren eta herritarren topaleku izango da astebetez.

Passion for Knowledge 2016 nagusiki Donostian izango da 2016ko irailaren 27tik urriaren 1era, Donostiak 2016an duen Europako Kultura Hiriburutzarekin bat eginez eta DSS2016EU programa ofizialaren barnean Elkarrizketak lerroan kokatuta. Jaialdiaren egoitza nagusia Victoria Eugenia antzokia izango da, zientziaren kulturizaera nabarmentzeko hautatua. Donostiaz gain, jaialdia Bilbo eta Bordelera ere iritsiko da jarduera desberdinekin. Oro har, gazte nahiz heldu, herritar guztiei, zuzendutako ekintza sorta biltzen du jaialdiaren egitarauak.