Albisteak | Passion for Knowledge

Hemen da berriz ere Passion for Knowledge!

Zientzia galaz jantziko da azken aurkikuntzak herritarrekin partekatzeko. Pandemiak eragindako eten luzearen ondoren, Donostia/San Sebastian International Physics Center-ek antolatutako Passion for Knowledge (P4K) nazioarteko zientzia-jaialdia bete-betean itzuli da 2023an. Atseginez jakinarazten dizugu jaialdiak beste edizio bat izango duela urriaren 2tik 7ra Donostian/San Sebastian eta Bilbon.

Passion for Knowledge irudi berrituarekin eta jende guztiarentzako jarduera-programa zabalarekin dator, zientziak gizateriaren onerako egin duen urrats bakoitza handikiro ospatzeko helburuarekin.

Nazioarteko zientzialari entzutetsu ugari bilduko ditu jaialdiak; besteak beste, hainbat Nobel saridun, azken hamarkadetako zientzia-aurkikuntza garrantzitsuenetako batzuen protagonista izandakoak. Gure gonbidatuen hitzaldi nagusi ospetsuak Victoria Eugenia Antzokian izango dira, jaialdiaren egoitza nagusian. Espero dugu gure herritarren parte adierazgarri bat bertan elkartzea.

Era askotako ikusleentzako jarduera-sail batekin osatu da programa: Bigarren Hezkuntzako ikasleekiko topaketak, ikertzaile gazteentzako dibulgazio-saioak, erakusketak, haurrentzako tailerrak, ikuskizunak, bertso-saioa, Youtuberren dibulgazioa, proiekzioak, etab.

Laster partekatuko ditugu Passion for Knowledge 2023 edizioak dakarren jarduera-programa erakargarriaren xehetasunak!

Albiste guztiak jasotzeko, eman izena gure buletinean:
Newsletter