10/04 Asteazkena

Asteazkeneko ekitaldien laburpen-bideoa

Astronomia inklusiboko erakusketaren inaugurazioarekin hasi zen Passion for Knowledge (P4K) jaialdiaren hirugarren eguna, desgaitasun bisuala, entzumenezkoa, kognitiboa edo mugikortasunari dagokiona dutenek bereziki parte har dezaten diseinatua. Arratsaldeko saioan, berriz, Francesca Ferlaino teknologia kuantikoetan adituak hasi du hitzaldi-sorta, eta jarraian izan dira María Vallet-Regí biomaterialetako ikertzaile aitzindaria eta Jean-Marie Lehn Kimikako Nobel sariduna. Eguna bukatzeko, Passion for Knowledge jaialdian ezinbesteko bihurtu den Bertso Passion saioa izan da, eta, horretarako, bertsolari onenetako batzuk bildu ditugu gure zentzumenen gozagarri.

Jarduera nabarmena!

NAUKASen ohiko hitzaldi laburren formatu dinamikoak berriro ere hartuko du Victoria Eugenia antzokia, Naukas Passion-en edizio berri batekin. Javier Pelaez aurkezlea izango da Passion for Knowledge-n bi egunez jarraian izango diren emanaldietan. Umorea bermatuta dago, baita hitzaldien zehaztasun zientifikoa ere.

STROM-Astronomia inklusiboa erakusketa urriaren 31 bitartean ikusgai izango dela Tabakalerako hirugarren solairuan? Zentzumen anitzeko esperientzia interaktiboetan oinarrituta, bisitariek aukera izango dute astronomiako oinarrizko kontzeptuak ulertzeko eta Euskal Herrian astrofisikaren ezagutzaren mugan egiten den ikerketaren berri izateko. Erakusketaren funtsezko helburuetako bat da desgaitasunen bat duten pertsonen irispidea bermatzea; bereziki, ikusmen-, entzumen- eta mugikortasun-desgaitasunen bat dutenena.